डोनाल्ड ट्रम्पमाथि आक्रमण, अनुहारमा रगत लतपत
प्रकाशित मिति : असार २९, २०८१ शनिबार
पूर्व राष्ट्रपति डोनाल्ड ट्रम्पमाथि शनिबार बेलुका पेन्सिल्भेनियाको बटलरमा एक र्यालीको शुरुवातमा आक्रमण भएको छ । ठूलो आवाज सुनिएपछि उनी मञ्चबाट भुइँमा लडेका थिए।
सेक्रेट सर्भिसले ट्रम्प सुरक्षित र सुरक्षात्मक उपाय अन्तर्गत रहेको बताएको छ । एक प्रवक्ताले ट्रम्प सकुशल रहेको बताएका छन् ।
उनले घटनालाई “घृणित कार्य” को रूपमा उल्लेख गरे, तर वास्तवमा के भयो भन्ने विवरणहरू सार्वजनिक गरिएको छैन ।
धमाका सुनिएपछि ट्रम्पलाई एजेन्टहरूले स्टेजमा घेरेका थिए। उनको अनुहारमा रगत देख्न सकिन्थ्यो । उनले हतारिएर भीडतिर मुट्ठी उठाएका थिए ।
यो घटना २०२४ को राष्ट्रपतीय दौडमा ट्रम्प र राष्ट्रपति जो बाइडेन दुबैको लागि प्रचार अभियानको व्यस्त दिन पछि भएको हो ।