कानमा ब्यान्डेज लगाएर सार्वजनिक कार्यक्रममा देखिए अमेरिकी पूर्वराष्ट्रपति ट्रम्प
प्रकाशित मिति : श्रावण १, २०८१ मंगलबार
अमेरिकाका पूर्व राष्ट्रपति डोनाल्ड ट्रम्प आफूमाथि भएको हमलापछि पहिलो पटक सार्वजनिक रुपमा देखा परेका छन् । रिपब्लिकन पार्टीको राष्ट्रिय अधिवेशनका लागि मिलवाकी आइपुग्दा ट्रम्पको कानमा पट्टी बाँधिएको थियो ।
उनको दाहिने कानमा ठूलो ब्यान्डेज थियो ।
रिपब्लिकन उपराष्ट्रपति पदका उम्मेदवार जेडी भान्स पनि उनीसँगै बायाँमा उपस्थित थिए। पार्टीका सिनेटर ब्यारोन डोनाल्ड्स दायाँतर्फ उभिरहेका थिए। उनका छोराहरू एरिक र डोनाल्ड जूनियर पनि उनीसँगै बक्समा थिए। परिवारका अन्य सदस्यहरू पनि सँगै उभिरहेका थिए।
राष्ट्रिय सम्मेलनमा वक्ताहरूको भाषणका क्रममा ट्रम्प मुस्कुराउँदै देखिएका थिए । बीचमा ताली बजाउँदै थिए । ट्रम्पलाई भ्यान्स र डोनाल्ड्सतिर फर्केर भाषणहरूमा टिप्पणी गरेको देखियो।
आइतबार, जब ट्रम्पले पेन्सिलभेनियाको बटलरमा रिपब्लिकन पार्टीको र्यालीमा भाषण दिइरहेका थिए, उनीमाथि गोली चलाइएको थियो। गोली ट्रम्पको दाहिनेतिरबाट गएको थियो।
गोली उनको दाहिने कान भएर गएको थियो । आक्रमणकारी म्याथ्यू थोमस क्रुक्सको प्रहरीको सुरक्षा कारबाहीमा मृत्यु भएको थियो ।