राष्ट्रपतिको चुनावी दौडबाट फिर्ता हुन बाइडेनमाथी दवाव बढ्दै , कोभिड संक्रमणपछि चुनावी अभियान प्रभावित
प्रकाशित मिति : श्रावण ४, २०८१ शुक्रबार
अमेरिकाका राष्ट्रपति जो बाइडेनले आफ्नो उम्मेदवारीलाई लिएर उत्पन्न भइरहेका नयाँनयाँ प्रश्नहरुको जवाफ दिइरहनु पर्ने अबस्था सृजना भएको छ ।
हाल उहाँको कोभिड रिपोर्ट पोजेटिभ आएकाले चुनावी अभियान स्थगित गरिएको छ । यो नोभेम्बरमा हुने चुनावअघि आएको उहाँ संग सम्वन्धित अर्को स्वास्थ्य सम्वन्धी प्रश्न हो ।
अमेरिकी कांग्रेसका शीर्ष डेमोक्र्याटहरू चक शुमर र हकिम जेफ्रीसले बाइडेनलाई भेटगरेपछि स्वास्थ्य सम्वन्धि थप चिन्ता बाहिर आएको हो ।
सीएनएनका अनुसार पूर्व सभामुख न्यान्सी पेलोसीले पनि बाइडेनले नोभेम्बरको चुनावमा डोनाल्ड ट्रम्पलाई हराउन नसक्ने बताइसक्नु भएको छ ।
गत महिना डोनाल्ड ट्रम्पको बिरूद्ध कमजोर बहसपछि शीर्ष प्रजातान्त्रिक नेतृत्व बीच बढ्दो असन्तुष्टिको कारण राष्ट्रपतिको रूपमा पुनः निर्वाचित हुने बाइडेनको चाहना खतरामा पर्ने अबस्था बढ्दै गएको हो ।
बाइडेनका प्रेस सेक्रेटरीले ८१ वर्षीय बाइडेनको कोभिड रिपोर्ट पोजेटिभ आएको तर उहाँको संक्रमण गम्भीर नभएको जानकारी दिएका छन ।
बाइडेन डेलावेयरमा आफ्नो घरमा एक्लै बस्नुहुनेछ र आफ्नो दैनिक कार्यहरुलाई निरन्तरता दिइरहनु हुनेछ प्रेस सेक्रेटरीले भनेका छन ।
ह्वाइट हाउसले राष्ट्रपतिलाई भ्याक्सिन र यसको बूस्टर दुवै दिइएको बताउदै उहाँ यसअघि दुई पटक कोभिड पोजिटिभ भेटिएको स्मरण गराएको छ ।
बुधबार, बाइडेन लस भेगासमा आफ्ना समर्थकहरू संग हुनुहुन्थ्यो । तर पछि स्वास्थ्य समस्याकै कारण उहाँले नागरिक अधिकार संगठनमा आफ्नो भाषण रद्द गर्नुप¥यो ।
ट्रम्पमाथि घातक हमलापछि पनि बाइडेनको चुनावी अभियान रोकिएको थियो । अहिले भने कोभिडले चुनावी अभियानलाई थप प्रभावित बनाएको छ ।
राष्ट्रपति बाइडेन लस भेगासमा हिस्पानिक मतदाताहरूबीच आफ्नो समर्थन बढाउने र पुर्नताजगी गर्ने प्रयासमा रहनु भएको थियो । हिस्पानिक मतदाताहरूले उहाँलाई २०२० मा कम भोट दिएका थिए ।
बिबिसी हिन्दीका अनुसार पछिल्ला दिनहरूमा, बाइडेनलाई चुनावी दौडबाट फिर्ता लिन दबाब बढ्दै गएको छ । यदि बाइडेन उम्मेदवार रह्यो भने, यसले कांग्रेसको कुनै पनि चेम्बरलाई नियन्त्रण गर्ने पार्टीको सम्भावनालाई नोक्सान पु¥याउने कतिपय डेमोक्रायट्सको चिन्ता र चासो देखिएको छ ।
न्यान्सी पेलोसीले हालैको कुराकानीमा राष्ट्रपति बाइडेनलाई आफ्नो उम्मेदवारीले डेमोक्र्याटिक पार्टीलाई सदनमा चुनाव जित्न गाह्रो बनाउने बताइसक्नु भएको छ ।
तर यसलाई बाइडेनले स्विकार गर्नुभएको छैन । हालका दिनहरूमा, करिब दुई दर्जन प्रजातान्त्रिक राजनीतिज्ञहरूले सार्वजनिक रूपमा बाइडेनलाई राष्ट्रपतिको दौडबाट हटाउन आह्वान गरेका छन् । यसमा क्यालिफोर्नियाका कांग्रेस सदस्य एडम शिफ पनि सामेल हुनुहुन्छ ।
उहाँले भन्नुभएको छ , बाइडेनले दौडबाट पछि हटेर अर्को डेमोक्रेटलाई मौका दिएर आफ्नो विरासत बचाउन सक्नुहुनेछ ।