पूर्वमन्त्रीको सर्लाहीमा हत्या , अनुसन्धान भइरहेको प्रहरीको भनाई
प्रकाशित मिति : श्रावण ६, २०८१ आईतबार
![](https://i0.wp.com/www.khasokhas.com/wp-content/uploads/2023/03/dead-body-death_large.jpg?fit=1024%2C560&ssl=1)
पूर्वमन्त्रीको सर्लाहीमा हत्या भएको छ । पूर्व भूमिसुधार राज्यमन्त्री रामचन्द्र रायको चन्द्रपुर गाउँपालिका वडा नम्बर १ रतनपुरस्थित घरको कोठाभित्र ८० वर्षीय रायको आइतबार राति हत्या भएको हो ।
घटनास्थल पुगेको प्रहरीले उहाँलाई कोठाभित्र मृत अवस्थामा भेटाएको थियो । रायको टाउको धारिलो हतियार प्रहार भएको देखिएको छ। उनको टाउकोको बायाँ भागमा चोट छ।
जिल्ला प्रहरी कार्यालय सर्लाहीका सूचना अधिकारी डिएसपी दीपक श्रेष्ठका अनुसार हत्या भएको खबर आइतबार राति १ बजे प्रहरीसमक्ष पुगेको थियो ।
अनुसन्धानका लागि तालिमप्राप्त कुकर पनि परिचालन गरिएको छ ।
चन्द्रपुर गाउँपालिकाका अध्यक्ष राजकुमार महतोका अनुसार पूर्व राज्यमन्त्री राय आइतबार मात्रै रतनपुर आउनु भएको थियो ।
उहाँ लामो समयदेखि परिवारसहित सदरमुकाम मलंहवा बस्दै आउनु भएको छ ।