अमेरिकामा एक महिनामा १ लाख ४२ हजारले जागिर पाए
प्रकाशित मिति : भाद्र २१, २०८१ शुक्रबार
अमेरिकामा एक महिनामा १ लाख ४२ हजारले रोजगार पाएका छन् । अमेरिकी रोजगारीका अवसर वृद्धि र भर्नाले अगस्टमा गति लिएको सरकारी तथ्याङ्कले देखाएको छ ।
रोजगारीका अवसर वृद्धि र भर्नामा देखिएको वृद्धिसँगै बेरोजगार दर घटेको तथ्याङ्कले देखाएको छ ।
विश्वको सबैभन्दा ठूलो अर्थतन्त्र भएको चीनले गत महिना १ लाख ४२ हजार रोजगारी सिर्जना गरेको थियो ।
तर जुलाईमा यो सङ्ख्या ८९ हजारमा सीमित थियो । श्रम विभागका अनुसार बेरोजगारी दरमा सामान्य अर्थात् ० दशमलव १ प्रतिशतले कमी आई ४ दशमलव २ प्रतिशत कायम भएको छ ।