नेपालले अमेरिकालाई सुपरओभरमा हरायो, एक खेलअगावै सिरिजको उपाधि
प्रकाशित मिति : कार्तिक ३, २०८१ शनिबार
नेपालले अमेरिकाविरुद्धको टी–२० आई सिरिजअन्तर्गतको दोस्रो खेलमा पनि जित निकालेको छ ।
अमेरिकाको डालसस्थित ग्रान्ड प्रेरी स्टेडियममा भएको दोस्रो खेलमा नेपालले अमेरिकालाई सुपरओभरमा हराएको हो ।
सुपरओभरमा अमेरिकाले दिएको तीन रनको लक्ष्य नेपालले चार बलमा पूरा गरेको हो । यो सँगै नेपालले शृंखलामा २–० को अग्रता बनाउँदै एक खेलअगावै सिरिजको उपाधि जितेको छ ।
आइतबारको खेलमा नेपालले अमेरिकाविरुद्ध टस जितेर ब्याटिङ गर्ने निर्णय लिएको थियो ।
खेलमा नेपालले निर्धारित २० ओभरमा १७० रन बनाउँदै अमेरिकालाई १७१ रनको लक्ष्य दियो ।
जवाफी ब्याटिङमा उत्रिएको अमेरिकाले पनि १७० रन नै बनाएपछि खेल सुपरओभरमा पुगेको हो ।