रूसद्वारा युरेनियम निर्यातमा प्रतिबन्ध , अमेरिकालाई कस्तो असर पुग्ला ?
प्रकाशित मिति : मंसिर १, २०८१ शनिबार
रूसले अमेरिकामा युरेनियम निर्यातमा प्रतिबन्ध लगाएको छ । रूसी सरकारले बताए अनुसार यो प्रतिबन्ध अस्थायी प्रकेतिको हो ।
स्रोतका अनुसार प्रतिबन्धहरू अमेरिकामा निर्यात तथा अमेरिकी क्षेत्राधिकारमा दर्ता भएका संस्थाहरूसँग विदेशी व्यापार सम्झौता अन्तर्गत लागू हुने छन् ।
प्राविधिक र निर्यात नियन्त्रणको लागि संघीय सेवाले जारी गरेको इजाजतपत्र अन्तर्गत वितरण गर्न अनुमति दिइने छ ।
प्रतिबन्धले युरेनियमको लागि रूसमा निर्भर अमेरिकाको आणविक उर्जा आपूर्तिमा अभाव खडा गर्ने आकंलन गरिएको छ ।
अमेरिकी राष्ट्रपति जो बाईडेनले गत मे महिनामा हस्ताक्षर गरेको सन् २०४० सम्म रूसी युरेनियम आयातमा प्रतिबन्ध लगाउने अमेरिकी कानून पछि यो कदम रुसले चालेको जनाइएको छ ।
अमेरिकी तथ्याङ्क अनुसार यस वर्ष रुसी युरेनियमको कुल खरिद ५७४ मिलियन डलर पुगेको छ । जुन अघिल्लो बर्षको तुलनामा लगभग ३२ प्रतिशतले कम हो ।