परिवारमा आधारित ५ लाख ग्रिनकार्ड आवेदन र २२ लाख पिटिसन युएससीआईएसमा पेन्डिङ
प्रकाशित मिति : मंसिर १४, २०८१ शुक्रबार
परिवारमा आधारित २२ लाख ३५ हजार ७ सय ९९ आई १३० पिटिसनहरु पेन्डिङ अवस्थामा रहेको रिपोर्ट युएससीआईएसले प्रकाशित गरेको छ । अक्टोबरको रिपोर्ट अनुशार ६ महिनाभन्दा लामो समयदेखि पेन्डिङ अवस्थामा रहेका आई १३० आवेदनहरुको संख्या १८ लाख १५ हजार ३ सय ४३ रहेको छ ।
अक्टोबरमा आई १३० आवेदनको निर्णयका लागि लाग्ने औषत अवधि झण्डै साढे १८ महिना रहेको छ । युएससीआईएसका अनुशार अक्टोबरमा ८७ हजार ४ सय ८९ आई १३० आवेदनहरु प्राप्त भएका थिए भने ५५ हजार ८८४ आवेदनहरु स्वीकृत भएका थिए । अस्वीकृत आवेदनको संख्या ७५ सय ४५ रहेको थियो ।
पेन्डिङ अवस्थामा रहेका परिवारमा आधारित ग्रिनकार्ड आवेदन आई ४८५ को संख्या भने ५ लाख २९ हजार ८१६ रहेको छ, जसमध्ये ६ महिनाभन्दा लामो समयदेखि पेन्डिङ अवस्थामा रहेका परिवारमा आधारित ग्रिनकार्ड आवेदन आई ४८५ को संख्या ३ लाख ३२ हजार ३ सय ३६ रहेको छ । अक्टोबरमा परिवारमा आधारित ग्रिनकार्ड आवेदन आई ४८५ को निर्णयका लागि लाग्ने औषत अवधि झण्डै १३ दशमलव ३ महिना महिना रहेको छ ।
अक्टोबरमा ४७ हजार ६८९ परिवारमा आधारित ग्रिनकार्ड आवेदन आई ४८५ प्राप्त भएकोमा ३० हजार ४३ आवेदन स्वीकृत भएका थिए भने ४ हजार ९ सय ५९ आवेदन अस्वीकृत भएका थिए ।
त्यस्तै एसाइलममा आधारित ग्रिनकार्ड आवेदन आई ४८५ को पेन्डिङ संख्या अक्टोबरमा ८१ ह्जार ७ सय ७५ रहेको छ । ६ महिनाभन्दा लामोसमयदेखि पेन्डिङ एसाइलममा आधारित ग्रिनकार्ड आवेदन आई ४८५ को संख्या ५० हजार ६ सय ७२ रहेको छ ।
अक्टोबरमा ७ हजार ५ सय ३० एसाइलममा आधारित ग्रिनकार्ड आवेदन आई ४८५ आवेदन प्राप्त भएका थिए भने १० हजार ५ सय ११ आवेदन स्वीकृत भएका थिए । अस्वीकृत आवेदनको संख्या २८९ रहेको थियो । अक्टोबरमा एसाइलममा आधारित ग्रिनकार्ड आवेदन आई ४८५ को निर्णयका लागि लाग्ने औषत अवधि झण्डै १२ दशमलव ३ महिना महिना रहेको छ ।
पेन्डिङ अवस्थामा रहेका रोजगारमा आधारित ग्रिनकार्ड आवेदन आई ४८५ को संख्या भने १ लाख ८३ हजार ३४२ रहेको छ, जसमध्ये ६ महिनाभन्दा लामो समयदेखि पेन्डिङ अवस्थामा रहेका रोजगारमा आधारित ग्रिनकार्ड आवेदन आई ४८५ को संख्या १ लाख ४० हजार ६ सय ५५ रहेको छ । अक्टोबरमा रोजगारमा आधारित ग्रिनकार्ड आवेदन आई ४८५ को निर्णयका लागि लाग्ने औषत अवधि झण्डै ११ दशमलव २ महिना महिना रहेको छ ।
अक्टोबरमा ४७ हजार ६८९ परिवारमा आधारित ग्रिनकार्ड आवेदन आई ४८५ प्राप्त भएकोमा ३० हजार ४३ आवेदन स्वीकृत भएका थिए भने ४ हजार ९ सय ५९ आवेदन अस्वीकृत भएका थिए ।
युएससीआईएसका अनुशार अक्टोबरमा ११ लाख ७८ हजार १ सय २८ वर्क परमिट आवेदनहरु युएससीआईएसमा पेन्डिङ अवस्थामा रहेका छन् जसमध्ये ६ महिनाभन्दा लामो समयदेखि पेन्डिङ अवस्थामा रहेका वर्क परमिट आवेदनको संख्या ५ लाख २८ हजार ७८९ रहेको छ । यद्यपी वर्क परमिट स्वीकृत गर्न लाग्ने औषत अहिले ३ महिनामात्र रहेको युएससीआईएसको रिपोर्टमा उल्लेख छ ।
अक्टोबरमा ४ लाख २८ हजार ८६० वर्क परमिटका आवेदनहरु युएससीआईएसमा प्राप्त भएका थिए भने ४ लाख १९ हजार ९ सय ७१ आवेदनहरु स्वीकृत भएका थिए । अस्वीकृत आवेदनको संख्या २९ हजार ८ सय २९ रहेको थियो ।
अक्टोबरमा ५ लाख २१ हजार ४ सय १८ अमेरिकी नागरिकता आवेदनहरु पेन्डिङ अवस्थामा रहेका थिए । ६ महिनाभन्दा लामो समयदेखि पेन्डिङ अवस्थामा रहेका अमेरिकी नागरिकता आवेदनको संख्या १ लाख १ हजार ९६४ रहेको छ । अक्टोबरमा अमेरिकी नागरिकता आवेदनमा निर्णयका लागि औषत अवधि ६ महिना रहेको थियो ।
अक्टोबरमा ८१ ह्जार १ सय १८ अमेरिकी नागरिकता आवेदन प्राप्त भएका थिए भने ७२ हजार ६ सय ८१ नागरिकता आवेदन स्वीकृत भएका थिए । ६ हजार ८७ नागरिकता आवेदन अस्वीकृत भएको युएससीआईएसले जनाएको छ ।