एनपिएलको उद्घाटन खेलमा जनकपुरले विराटनगरलाई ८ विकेटले हरायो
प्रकाशित मिति : मंसिर १५, २०८१ शनिबार
नेपाल प्रिमियर लिग (एनपिएल) को उद्घाटन खेलमा जनकपुर बोल्ट्सले विराटनगर किङ्ग्सलाई ८ विकेट हराएको छ ।
शनिबार त्रिवि क्रिकेट मैदान, कीर्तिपूरमा भएको खेलमा जनकपुर बोल्ट्सले विराटनगर किङ्ग्सलाई ८ विकेट हराएको हो ।
विराटनगर दिएको एक सय २८ रनको लक्ष्य जनकपुरले १५ दशमलव ३ ओभरमा २ विकेट गुमाएर भेट्टायो ।
जनकपुरका लागि लाहिरु मिलन्था र हर्ष ठाकरले ८७ बलमा एक सय १६ रनको नटआउट साझेदारी गरे । मिलन्थाले ५३ बलमा तीन छक्का र नौ चौकाको मद्धतले सर्वाधिक ७५ रन बनाए ।
यस्तै, हर्ष ठाकरले ३३ बलमा दुुई चौका प्रहार गर्दै २९ रनको योगदान दिए ।
जनकपुरका कप्तान अनिल शाहले ५ रनको योगदान दिए भने आसिफ शेख शुन्य रनमै आउट भए ।
जनकपुरले अतिरिक्त २२ रन प्राप्त गर्यो ।
विराटनगरका लागि क्रिस सोल र प्रतिश जिसीले समान एक/एक विकेट लिए ।
