नुन्स ट्रम्पको गुप्तचर सल्लाहकार समितिमा नियुक्त
प्रकाशित मिति : मंसिर ३०, २०८१ आईतबार
अमेरिकाका नवनिर्वाचित राष्ट्रपति डोनाल्ड ट्रम्पले डेभिन नुन्सलाई राष्ट्रपतिको गुप्तचर निकायको सल्लाहकार समितिको अध्यक्षमा नियुक्त गर्नुभएको छ ।
आफ्नो लगानीको सामाजिक सञ्जाल ट्रुथ सोसलका प्रमुख कार्यकारी अधिकृत नुन्सलाई राष्ट्रपतिको गुप्तचर निकायको सल्लाहकार समितिको अध्यक्षमा नियुक्त गर्नुभएको हो ।
हाउस इन्टेलिजेन्स कमिटीको पूर्व अध्यक्षको रूपमा नुन्सको अनुभव र सन् २०१६ को अमेरिकी चुनावमा रूसी हस्तक्षेपको पर्दाफास गर्न उहाँको महत्वपूर्ण भूमिकाको लागि समितिको प्रमुखका लागि योग्य रहेको ट्रम्पले बताउनुभयो ।
यस समितिमा सङ्घीय सरकार बाहिरका प्रतिष्ठित नागरिकहरू समावेश छन् ।
ट्रम्पले रिपब्लिकन पार्टीको नेतृत्व लिनु भन्दा अघि, नुन्सलाई प्रतिनिधि सभाको रिपब्लिकन समूहका एक साधारण सदस्यका रूपमा हेरिन्थ्यो।
प्रतिनिधि सभा गुप्तचर समिति सामान्यतया कांग्रेसको अन्य भागहरूको तुलनामा बढी गम्भीर र दलीय सहकार्ययुक्त मानिन्थ्यो । २०१७ मा ट्रम्प राष्ट्रपति बनेपछि यसमा परिवर्तन गरिएको थियो ।