हावाहुरीका कारण अजरबैजानमा भएको विमान दुर्घटनामा ३० जनाको मृत्यु
प्रकाशित मिति : पुस १०, २०८१ बुधबार
अजरबैजानमा भएको विमान दुर्घटनामा ३० भन्दा बढीको मृत्यु भएको छ । २८ जनालाई जीवितै उद्धार गरिएको छ ।
अजरबैजान एअरलाइन्सको यात्रुबाहक विमान पश्चिमी कजाकिस्तानमा बुधबार दुर्घटनाग्रस्त भएको हो ।
हावाहुरीका कारण निर्धारित गन्तव्यमा जान नसकेपछि मार्गबाट चिप्लिएर दुर्घटनाग्रस्त भएको अधिकारीहरुले बताएका छन् ।
कजाकिस्तानका अधिकारीहरूले बाकूबाट रूसको ग्रोज्नीका लागि उडेको एम्ब्रेयर १९० विमान क्यास्पियन सागरको पूर्वी किनारामा तेल र ग्याँसको केन्द्र अक्टाउ शहर नजिकै दुर्घटना भएको बताएका छन् ।
विमानमा रहेका ३० भन्दा बढी यात्रुको मृत्यु भएको हुनसक्ने बताएका छन् । विमानमा ६२ यात्रु र पाँच चालक दलका सदस्य रहेका थिए ।
२८ जनालाई जीवितै उद्धार गरी उपचारका लागि अस्पताल पठाइएको छ ।
उक्त विमान अजरबैजानको राजधानी बाकुबाट क्यास्पियन नदीको पश्चिमी किनारमा रहेको दक्षिणी रुसको चेचन्यास्थित ग्रोज्नी शहरका लागि उडेको थियो ।
विमानमा अजरबैजानका ३७ जना, कजाकिस्तानका छ जना, किर्गिस्तानका तीन जना ररूसका १६ जना रहेको कजाकिस्तानको यातायात मन्त्रालयले जनाएको छ ।
