थाइल्याण्डका प्रधानमन्त्रीसंग ५० लाख डलरका घडी, अन्य सम्पति कति ?
प्रकाशित मिति : पुस १९, २०८१ शुक्रबार
थाइल्याण्डका प्रधानमन्त्री पेटोङ्टार्न सिनावात्राले ४० करोड अमेरिकी डलरभन्दा बढीको सम्पत्ति विवरण सार्वजनिक गरेकी छन ।
उनले आफुसँग २० लाख अमेरिकी डलरभन्दा बढी मूल्यका २०० भन्दा बढी डिजाइनरद्वारा बनाइएका ह्यान्डब्याग रहेको जानकारी दिएकी छन ।
उनले आफु संग करिब ५० लाख अमेरिकी डलर मूल्यका कम्तीमा ७५ वटा लक्जरी घडी रहेको बताउनुभएको छ ।
थाई टेलिकमका मालिक तथा पूर्व प्रधानमन्त्री थाक्सिन सिनावात्राकी कान्छी छोरी पेटोङ्टार्नले गत सेप्टेम्बरमा थाइल्यान्डमा २० वर्षमा सरकारको नेतृत्व गर्ने परिवारका चौथो सदस्यका रूपमा पदभार ग्रहण गर्ने अबसर पाएकी थिइन ।
पेटोङटार्नले आफ्नो सम्पत्ति र दायित्व राष्ट्रिय भ्रष्टाचार विरोधी आयोग (एनएसीसी) को अनुरोधमा घोषणा गरेको बताइएको छ । उनले आफूसँग कूल १३ अर्ब ८० करोड भाट अर्थात ४० करोड अमेरिकी डलर बराबरको सम्पत्ति रहेको बताइन ।
स्थानीय सञ्चारमाध्यमले पोस्ट गरेको एनएसीसीको दस्तावेजअनुसार करिब पाँच अर्ब भाटको अन्य दायित्व पनि घोषणा गरेकी छन ।
यो सहित उनको कूल सम्पत्ती २५ करोड ८० लाख अमेरिकी डलर देखिएको छ ।
फोब्र्सका अनुसार कुनै समय म्यानचेस्टर सिटी फुटबल क्लबको मालिकसमेत पेटोङ्टार्नका पिता तथा पूर्वप्रधानमन्त्री थाक्सिन सिनावात्राको कुल सम्पत्ति २.१ अर्ब अमेरिकी डलर छ ।
फोब्र्सको सूचीमा उनी थाइल्याण्डको १० औं धनी व्यक्ति हुन । विश्लेषकहरूका अनुसार थाइल्याण्डमा सम्पत्ति र पारिवारिक विराशतको लामो समयदेखि सम्बन्ध देखिँदै आएको थियो ।
थाइल्याण्डको संवैधानिक अदालतले गत अगस्टमा पदच्युत गर्दा पेटोङ्टार्नका पूर्ववर्ती प्रधानमन्त्री श्रेता थाभिसिनले ९८ करोड ५० लाख भाटको सम्पत्ति घोषणा गरेका थिए ।