क्यानडाको भिसा लगाइदिने प्रलोभनमा थाइल्यान्ड पुर्‍याइका ५ नेपालीको उद्धार


प्रकाशित मिति : चैत्र १७, २०८१ आईतबार

क्यानडाको भिसा लगाइदिने प्रलोभनमा थाइल्यान्डमा पुर्‍याइ अलपत्र पारिएका ५ जना नेपालीलाई स्वदेश फर्काइएको छ ।

थाइल्यान्डको बैंककस्थित नेपाली राजदूतावासले क्यानडाको भिसा लगाइदिने भन्दै थाइल्यान्ड ल्याई बिचौलियाले अलपत्र पारेका ५ जना नेपालीलाई उद्धार गरी शुक्रबार नेपाल फर्काएको हो । नेपाल फर्काइएका ५ जना मध्ये ४ जना पुरुष र एक जना महिला रहेको राजदूतावासले जनाएको छ ।

राजदूतावासका अनुसार बिचौलियाले राहदानी आफैसँग लिई उनीहरूलाई थाइल्यान्डमा अलपत्र पारेका थिए ।

राजदूतावासले सरकारले तोकेका मापदण्ड बमोजिम श्रम स्वीकृति लिएर मात्र वैदेशिक रोजगारीमा जान पटक-पटक आग्रह गर्दै आएको छ । कसैको प्रलोभन परी छिटो, धेरै पैसा कमाउने हेतु वैदेशिक रोजगारीमा नआउन र यस प्रकारको प्रलोभनमा नपर्न समेत राजदूतावासले आग्रह छ ।

राजदूतावासले भनेको छ, “नेपाल सरकारले तोकेका मापदण्ड बमोजिम श्रम स्वीकृति लिएर मात्र वैदेशिक रोजगारीमा जान तथा कसैको प्रलोभन परी छिटो, धेरै पैसा कमाउने हेतु वैदेशिक रोजगारीमा नआउन र यस प्रकारको प्रलोभनमा नपर्न हुन राजदूतावास सम्बन्धित सबैमा पुनः अनुरोध गर्दछ ।”

© 2025 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com