तेस्रो पटक राष्ट्रपति बन्न चाहेको ट्रम्पको खुलाशा, संभव होलात ?
प्रकाशित मिति : चैत्र १८, २०८१ सोमबार
अमेरिकी राष्ट्रपति डोनाल्ड ट्रम्पले राष्ट्रपति पदमा तेस्रो कार्यकालका लागि प्रयास गर्ने मुड बनाएको बताएका छन ।
उनले तेस्रो कार्यकालका लागि प्रतिश्पर्धा गर्नका लागि देखिन सक्ने संवैधानिक रोकावटलाई तोड्ने तरिकाका वारेमा पनि सोचिरहेको बताएका हुन । उनको दोस्रो कार्यकाल २०२९ को सु्रुमा सकिन्छ ।
एयर फोर्स वनमा रिपोर्टरहरूसँग कुरा गर्दै ट्रम्पले धेरैजनाले तेस्रो कार्यकालको लागि आग्रह गरेको सुनेको दावी गरेका थिए ।
उनको पहिलो कार्यकाल सन २०२० सम्म रहेको थियो । त्यसबेला भएको चुनावमा ट्रम्प डेमोक्र्याटस जो बाइडेनसँग पराजित भएका थिए ।
ट्रम्पले उक्त चुनावमा आफु पराजित नभएर धाँधली गरेर हराइएको भन्दै आफनो बचाउ गर्दै आएका छन ।
ट्रम्पले तेस्रो कार्यकालको बारेमा कुरा गर्न नखोजेको बताए पनि नागरिकहरुले भने अपेक्षा गरेको दावी गरेका छन ।
उनले भने समय धेरै बाँकी छ र संभावना पनि जिवित नै रहेको छ । हाँसोका लागि होइन यो कुरा सत्य सावित गर्नका लागि मैले भनेको हो ट्रम्पले भनेका छन ।
१९५१ मा फ्र्याङ्कलिन डी रूजवेल्ट चार पटक लगातार राष्ट्रपतिमा निर्वाचित भएपछि संविधानमा २२ औं संशोधन गरिएको थियो ।
सशोधन भए अनुसार अव कुनै पनि व्यक्ति राष्ट्रपति पदमा दुई पटक भन्दा बढी निर्वाचित हुन पाउने संभावना छैन ।
न्युयोर्कका डेमोक्र्याट प्रतिनिधि ड्यानियल गोल्डम्यानले ट्रम्पको पछिल्लो अभिव्यक्तिलाई सरकार कब्जा र लोकतन्त्रलाई समाप्त पार्ने प्रयास भएको बताएका छन ।
ट्रम्पका पूर्व रणनीतिकार स्टीव ब्यानोनले गत महिना कन्जरभेटिभ पोलिटिकल एक्शन कन्फरेन्समा ट्रम्पलाई फेरि चुनावी मैदानमा ल्याउनको लागि आह्वान गरेका थिए ।
उनले भनेका थिए सन २०२८ को चुनावमा पनि ट्रम्पलाई अगाडी सार्ने हाम्रो चाहना रहेको छ ।
विस्कन्सिनका ३० वर्षीया पूर्व पेरालिगल केयला थम्पसनले अमेरिकालाई ट्रम्पको आवश्यकता रहेको भन्दै अहिले अमेरिका सही दिशामा अघि बढिरहेको दावी गरेका थिए ।
बोस्टनको नर्थइस्टर्न विश्वविद्यालयका संवैधानिक कानूनका प्रोफेसर जेरेमी पौलले ट्रम्पको तेस्रो कार्यकालको लागि कुनै पनि कानूनी तर्क विश्वसनीय नरहेको बताएका छन ।