सेमिकन्डक्टर चिप्समा भन्सार शुल्क लगाउने योजनाको विस्तृत विवरण सार्वजनिक गर्दै ट्रम्प
प्रकाशित मिति : चैत्र ३१, २०८१ आईतबार
अमेरिकी राष्ट्रपति डोनाल्ड ट्रम्पले सेमिकन्डक्टर चिप्समा छुट्टै भन्सार शुल्क लगाउने योजनाको विस्तृत विवरण सोमबार सार्वजनिक गर्ने बताएका छन्। शनिबार एयर फोर्स वनमा पत्रकारहरूसँग कुरा गर्दै उनले भने, ‘हामी सोमबार धेरै स्पष्ट हुनेछौं। हामीले देशको रूपमा धेरै पैसा सङ्कलन गरिरहेका छौं।’
ट्रम्प प्रशासनले हालै स्मार्टफोन, कम्प्युटर, चिप्स र अन्य इलेक्ट्रोनिक्सलाई चिनियाँ आयातमा लगाइएको १४५ प्रतिशत भन्सार शुल्कबाट छुट दिने घोषणा गरेको छ। यो कदमले विश्व बजारमा प्रविधि उत्पादनको मूल्य र आपूर्ति शृङ्खलामा प्रभाव पार्ने अनुमान गरिएको छ।
ट्रम्पको यो नीतिले विशेष गरी प्रविधि उद्योग र अन्तर्राष्ट्रिय व्यापारमा कस्तो असर पर्छ भन्ने विषयमा विश्लेषकहरूले चासो व्यक्त गरेका छन्। सोमबारको घोषणाले अमेरिका–चीन व्यापार सम्बन्धमा नयाँ मोड ल्याउने अपेक्षा गरिएको छ।
