टेक्सासमा घर विस्फोट हुँदा ६ जना घाइते, प्रहरीले कारण खोज्दै
प्रकाशित मिति : चैत्र ३१, २०८१ आईतबार
अमेरिकाको टेक्सास अष्टिनमा घर विस्फोट हुँदा ६ जना घाइते भएका छन । घर ध्यस्त भएको छ । अष्टिन सहरमा भएको एक शक्तिशाली विस्फोटका कारण कम्तीमा ६ जना घाइते भएका हुन ।
विस्फोटले एक घर पूर्णरूपमा ध्वस्त बनाएको छ । अर्को घरमा गम्भीर क्षति पुगेको छ। अष्टिन फायर डिपार्टमेन्टका अनुसार विस्फोट आइतबार बिहान भएको थियो ।
दुई जना घाइते सोही घरका बासिन्दा हुन् । घाइते मध्ये एकको अवस्था नाजुक रहेको छ।
छिमेकी घरका एक व्यक्ति पनि गंभीर रूपमा घाइते भएका छन् । दुई जना दमकलकर्मी पनि घटनास्थलमा आगो निभाउने क्रममा घाइते भए ।
विस्फोटले आसपासका कम्तीमा २४ घरहरूमा क्षति पुर्याएको छ । अष्टिन फायर डिपार्टमेन्टका सहायक प्रमुख थेयर स्मिथका अनुसार विस्फोट स्थलमा रहेको एक सवारी साधनमा पनि आगो लागेको थियो ।
क्षति पुगेको क्षेत्रबाहेक अधिकांश क्षेत्रमा बिजुली सेवा पुनःस्थापना गरिएको छ । घटनाको कारणबारे अनुसन्धान भइरहेको अधिकारीहरुले बताएका छन । तर प्रारम्भिक रूपमा यसमा आपराधिक उद्देश्य नरहेको अनुमान गरिएको छ ।
ट्राभिस काउन्टी फायर मार्शलले अनुसन्धानको नेतृत्व गरिरहेका छन् । विस्फोटको आवाज अष्टिनका उपनगरहरूसम्म सुनिएको थियो ।
अष्टिन फायर डिभिजन प्रमुख वेन पेरिसका अनुसार २० माइल टाढा रहेको सिडर पार्क सहरमा समेत उक्त आवाज सुनिएको थियो ।
विस्फोटको मुख्य कारण अझै खुलेको छैन । अनुसन्धान जारी रहेको त्यहाँको प्रहरीले बताएको छ।