अमेरिकामा नेपथ्यकन्सर्ट र फेशन परेड हुँदै
प्रकाशित मिति : आश्विन ७, २०७३ शुक्रबार
वल्र्ड फेशन परेडको आयोजनामा अमेरिकाको म्यानहटनमा भोली असोज ८ गते ‘नेपथ्य लाइभ इन कन्सर्ट फर पिस’ हुँदैछ । असोज ९ गते फेशन फर पिसको नाममा म्यानहटनकै ऐतिहासिक गोथाम हलमा फेशन सो पनि गरिदैछ । तीन सो चल्ने यो फेशन सो नेपाली दर्शकका लागि साँझ ५ बजे बजेको समय छुट्याइएको छ ।
अमेरिकी मिडियाको चासो रहने यी दुवै कार्यक्रमको आयोजनामा ‘इन्टरनेशनल ह्युम्यान राइट्स कमिशन’ साझेदार रहेको छ । युनेस्को, नेपाल टुरिज्म बोर्ड, गोरखाको बारपाकमा विद्यालय पुनर्निर्माण र ८०० विद्यार्थीलाई पढ्न सघाईरहेको गोर्खाली फाउण्डेशनले सहयोग गरिरहेको छ । वल्र्ड फेशन परेडको उद्घाटन महात्मा गान्धीका नाती अरुण गान्धीले गर्नेछन् ।
