ट्रयाक्टरको ठक्करले युवकको मृत्यु
प्रकाशित मिति : फाल्गुन १, २०७४ मंगलबार
फागुन १, मोरङ । मोरङको धनपालथान गाउँपालिका–६ स्थित रंगेली– विराटनगर सडकखण्डमा ट्रयाक्टरको ठक्करले मंगलबार साँझ एक युवकको मृत्यु भएको छ ।
मृत्यु हुनेमा सुनवर्षी नगरपालिका घर भएका १९ वर्षीय मनिष सुवेदी छन् । विराटनगरबाट रंगेलीतर्फ आउँदै गरेको को १० प ९६३९ नम्बरको मोटरसाइकललाई विपरीत दिशाबाट जाँदै गरेको नम्बर खुल्न नसकेको ट्रयाक्टरले ठक्कर दिँदा गम्भीर घाइते भएका सुवेदीको विराटनगरस्थित गोल्डेन अस्पतालमा उपचारका क्रममा मृत्यु भएको जिल्ला ट्राफिक प्रहरी कार्यालय मोरङले जनाएको छ ।
सुवेदी मोटरसाइकलको पछाडि बसेका थिए । मोटरसाइकलका चालक भने सकुशल छन् । ठक्कर दिने ट्रयाक्टरसहित चालक फरार रहेकाले खोजी भइरहेको प्रहरीले जनाएको छ । रासस