प्रहरी हवल्दार १ लाख ६० हजार घुस लिँदालिँदै पक्राउ
प्रकाशित मिति : फाल्गुन ६, २०७४ आईतबार
जिल्ला प्रहरी कार्यालय, म्याग्दीको मातहतमा रहेको प्रहरी चौकी पाखापानीका प्रहरी हवल्दार कुलबहादुर विसी घुस लिँदालिँदै पक्राउ परेका छन् ।
उनलाई अख्तियार दुरुपयोग अनुसन्धान आयोग, टंगालको टोलीले १ लाख ६० हजार रुपैयाँ घुससहित पक्राउ गरेको हो ।
प्रहरी जवान पदमा भर्ना गराइदिने भन्दै सेवाग्राहीसँग घुस मागेको उजुरीको आधारमा उनलाई म्याग्दी बसपार्कमा घुस लिँदालिँदै पक्राउ गरिएको आयोगका प्रवक्ता पदमप्रसाद पाण्डेले बताए ।
उनका अनुसर थप अनुसन्धान भइरहेको छ ।