लहानमा बम विस्फोट, एक जना घाइते
प्रकाशित मिति : फाल्गुन ११, २०७४ शुक्रबार
फागुन ११, लहान । सिरहाको लहानमा बम विस्फोट भएको छ । लहान नगरपालिका १ मुख्यचोकमा रहेको शुभलाभ किराना स्टोरको अगाडि कुकर बम विस्फोट भएको हो । बम बिस्फोटबाट स्टोरका सञ्चालक अनिल अग्रवाल घाइते भएका छन् ।
विस्फोटबाट किराना पसलको काउण्टरमा सामान्य क्षति भएको छ । विस्फोटमा घाइते भएका अग्रवालको लहानस्थित जय मातादी पोलिक्लिकमा उपचार भइरहेको छ । इलाका प्रहरी कार्यालय लहानका डिएसपी गणेश चन्दका अनुसार विस्फोट स्थलमा जनतान्त्रिक तराई मुक्ति मोर्चा क्रान्तिकारी गोइत समुहको हस्ताक्षर रहेको पर्चा भेटिएको छ ।