उदय-मनिला सोताङको आवाजमा ‘आँखाको यो नानीभित्रै’ (भिडियो)
प्रकाशित मिति : फाल्गुन १५, २०७४ मंगलबार
उदय सोताङ र मनिला सोताङको आवाजमा सजिएको गजल ‘आँखाको यो नानीभित्रै लुकी हेर प्यार हुन्छ’ सार्वजनिक भएको छ।
गजलकार सुरेश वाग्लेको शब्द तथा किरण श्रेष्ठको संगीतमा रहेको उक्त गजल म्युजिक भिडियोसहित सार्वजनिक गरिएको हो।
लामो समयदेखि अमेरिका बस्दै आएका गजलकार वाग्लेका प्रेमिल शब्दहरुको संयोजनमा रहेको गजलको भिडियोमा उदय-मनिलासँगै शिल्पा मस्के र पुस्कर कार्की फिचरिङ भएका छन्। प्रशान्त रसाइलीको निर्देशनमा तयार उक्त भिडियोलाई शैलेन्द्र डि. कार्कीले छायांकन गरेका छन्।
‘आँखाको नानी’ एल्बममा समेटिएका अन्य ५ गजल पनि चाँडै श्रोतामाझ ल्याउने गजलकार वाग्लेले बताएका छन्।