विद्यालयबाट चोरिएको सामानसहित वर्ष दिनपछि पक्राउ
प्रकाशित मिति : चैत्र ७, २०७४ बुधबार
निजगढ नगरपालिका–८ स्थित श्री बकैया ठाकुर आधारभूत विद्यालयमा एक वर्षअघि भएको चोरीको सामानसहित एक जना पक्राउ परेका छन्।
गत वर्षको चैत ५ मा राति चाेरी भएको विद्यालयको एलईडी मनिटरसहित निजगढ नगरपालिका–४ का वसन्त घिमिरेलाई पक्राउ गरिएको इलाका प्रहरी कार्यालय निजगढले जनाएको छ।
विद्यालयको कम्प्यूटर कक्षबाट ३२ इन्चको एलईडी मनिटर र १४ इन्चको टेलिभिजन चोरी हुनुका साथै विद्यालयमा तोडफोड समेत भएको थियो।