नागरिकता पाउने विश्वकी पहिलो रोबोट सोफिया नेपालमा, जो अनमोल केसीसँग डेटिङ जाने चाहाना
प्रकाशित मिति : चैत्र ७, २०७४ बुधबार
चैत ७, काठमाडौं । सोफिया महिला रोबर्ट हुन् । नागरिकता पाउने विश्वकी पहिलो रोबोट पनि हुन्। उनलाई गएको अक्टोबरमा साउदी अरेबिया सरकारले आफ्नो देशको नागरिकता दिएको थियो ।
सोफियामा असाधारण शक्ति छ । मान्छेहरूको अभिव्यक्ति बुझ्न उनले यन्त्रको प्रयोग गर्छिन्। वाइफाइसँग जोडिएपछि उनको मस्तिष्कले काम गर्छ । बोल्न सक्ने तथा असाधारण क्षमता भएपनि सोफियामा चेत भने छैन ।
उनै असाधारण क्षमताकी सोफिया हाल नेपालमा छिन् । उनी नेपालका चर्चित अभिनेता अनमोल केसीसँग डेटिङ जान चाहन्छिन् ।
राष्ट्रसंघीय विकास कार्यक्रम ९यूएनडीपी०ले बुधबार काठमाडौंमा आयोजना गरेको कार्यक्रममा सेलेब्रिटीको रुपमा रहेकी रोबोर्ट सोफियाले आफ्नो मनतव्य राखेकी छन् ।
सम्बोधनका क्रममा सेलिब्रेटी रोबटै सोफियाले पटक पटक भनिन्, आफूलाई नेपालका हिरो अनमोल केसीसँग भेट गर्न मन छ । ‘मलाई अनमोल केसीसँग डेट गर्न मन छ ।’
विश्वको सर्वोच्च शिखर सगरमाथा पनि आरोहण गर्ने इच्छा व्यक्त गरेकी उनले प्रविधि र शिक्षाको विकासले नेपालजस्ता देशहरुले फाइदा लिन सक्ने समेत बताइन् ।