भूमिसुधार कार्यालय भक्तपुरका नायब सुब्बा घुससहित पक्राउ
प्रकाशित मिति : चैत्र ९, २०७४ शुक्रबार
चैत ९, काठमाडौँ । भूमिसुधार कार्यालय भक्तपुरका नायब सुब्बा कमल भुजेल घुस लिँदालिँदै पक्राउ परेका छन् । सेवाग्राहीबाट १० हजार रूपैयाँ घुस लिदालिदै अख्तियार दुरूपयोग अनुसन्धान आयोगको टोलीबाट उनलार्इ पक्राउ गरेको हो ।
चाँगुनारायण नगरपालिका – ८ मा जग्गाको मोही कायम गर्ने प्रयोजनको लागि उनले सेवाग्राहीबाटग घुस रकम माग गरेका थिए । उनलार्इ कार्यालय परिसरबाटै नियन्त्रणमा लिइएको आयोगका प्रवक्ता दीर्घराज मैनालीले जानकारी दिए । पक्राउ परेसंगै थप अनुसन्धान भइरहेको प्रहरीले बताएको छ ।