करेन्ट लागेर सात जना घाइते, एकको अवस्था गम्भीर वै
प्रकाशित मिति : बैशाख ४, २०७५ मंगलबार
शाख ४, मलेखु । थाक्रे गाउँपालिका–११ केवलपुरमा मंगलबार बिहान खानेपानीको पाइप मिलाउने क्रममा करेन्ट लागेर सात जना घाइते भएका छन्। बोरिङ गरेर तानिएको पानीको पाइप बाटोमाथि मिलाउन लाग्दा हाइटेन्सन लाइनमा छोई करेन्ट लागेपछि कामदार घाइते भएको जिल्ला प्रहरी कार्यालयका प्रहरी नायव उपरीक्षक रामबहादुर केसीले जानकारी दिए। इलाका प्रहरी कार्यालय खानीखोलाका अनुसार घाइते हुनेमा झापा जिल्ला निवासी मिक्की तामाङ, धादिङ, थाँक्रे गाउँपालिका–६ का धनबहादुर कार्की, धीरज कार्की, गोपी कुलू, सुरेश कुलू, माइली तामाङ र गौतम तामाङ रहेका छन्। घाइतेमध्ये पाँच जनाको काठमाडौंस्थित ट्रमा सेन्टर र दुई जनाको कीर्तिपुर अस्पतालमा उपचार भइरहेको छ। घाइते तामाङको अवस्था गम्भीर छ। रासस