अपराधमा संलग्न भएको आशंकामा एसपी खनाल प्रहरी हिरासतमा
प्रकाशित मिति : बैशाख १२, २०७५ बुधबार
अपराधमा संलग्न भएको आशंकामा प्रहरी उपरीक्षक विकास खनाललाई प्रहरी नियन्त्रणमा लिएको छ ।३३ केजी सुन र सनम शाक्य हत्या प्रकरण छानविनका लागि बनाइएको उच्चस्तरीय छानविन समितिले प्रहरी उपरीक्षक खनाललाई प्रहरीले आन्तरिक हिरासतमा लिएर नक्सालस्थित १ नम्बर गणमा राखेको छ।
सोमबार घटना बारे बयान दिन मकवानपुरबाट बोलाईएका खनाललाई गृह मन्त्रालयको निर्देशनमा मंगलबार राती नियन्त्रणमा लिई हिरासतमा राखिएको हो ।
गत चैतमा तस्करीको साढे ३३ केजी सुन गायब भएपछि भरिया सनम शाक्यको अपहरणपछि हत्या भएको थियाे ।घटनाको विषयमा प्रहरीले गम्भीरतापूर्वक चासाे दिएर अनुसन्धान नगरेको भन्दै उजुरी परेपछि प्रहरी मुख्यायलले छुट्टै अनुसन्धान समिति बनाएर छानबिन सुरु गरेको हो ।