उपेन्द्र देवकोटाको स्वास्थ्यलाभको कामना गर्दै ओलीले लेखे – नयाँ ‘मिराकल’ले योगदान गरोस्
प्रकाशित मिति : बैशाख २६, २०७५ बुधबार
प्रधानमन्त्री केपी शर्मा ओलीले वरिष्ट न्यूरो सर्जन डा. उपेन्द्र देवकोटाको स्वास्थ्यलाभको कामना गर्नुभएको छ ।
मंगलबार डा. देवकोटाको उपचार भैरहेको न्यूरो अस्पताल पुगेर प्रधानमन्त्रीले स्वास्थ्यलाभको कामना गर्नुभएको हो । उहाँले स्वास्थ्यमा नयाँ मिराकल अर्थात चमत्कारले काम गरोस् भन्ने अपेक्षा गर्नुभएको छ ।
स्वास्थ्यलाभको लागि राखिएको पुस्तिकामा प्रधानमन्त्रीले लेख्नुभएको छ – ‘आफ्नो विधाको उत्कृष्ट व्यक्तित्व डा. उपेन्द्र देवकोटा, स्वास्थ्य विज्ञानले पहिचान गर्न बाँकी धेरै विषयहरु छन् । आशा एवं अपेक्षा गर्दछु, तपाईंको स्वास्थ्यमा प्रगतिका लागि त्यस्तै नयाँ ‘मिराकल’ले योगदान गरोस् ।’
प्रधानमन्त्री ओलीले डा. देवकोटाको स्वास्थ्य उपचारमा कुनै कसर बाँकी नराख्न अस्पताललाई निर्देशन पनि दिनुभएको छ ।