भारतीय प्रधानमन्त्री मोदी स्वदेश फिर्ता
प्रकाशित मिति : बैशाख २९, २०७५ शनिबार
भारतीय प्रधानमन्त्री नरेन्द्र मोदी नेपालको दुई दिने राजकीय भ्रमण सकेर स्वदेश फिर्ता भाएका छन्।
प्रधानमन्त्री मोदी दिउँसो सो चार बजे स्वदेश फिर्ता भएका हुन्। उनलाई त्रिभुवन विमानस्थलमा परराष्ट्रमन्त्री प्रदीपकुमार ज्ञवालीले विदाई गरेका हुन्।
शुक्रबार बिहान जनकपुरबाट नेपाल भ्रमण आरम्भ गरेको मोदीले त्यहाको रामजानकी मन्दिमा पूजा गनूृका साथै नगरिक अभिनन्दन कार्यक्रममा समेत सहभागी भएका थिए। शुक्रबारै उनी काठमाडौँ आयोजित ‘गार्ड आफ द अनर’ कार्यक्रममा सहभागी हुनुका साथै प्रधानमन्त्री, राष्ट्रपति र उपराष्ट्रपतिसँग भेटवार्ता गरेका थिए।
शनिबार बिहान मुक्तिनाथ पुगेका मोदी त्यहाँबाट फर्केपछि पशुपतिमा विशेष पूजा गरेका थिए।
शनिबार नै प्रधानमन्त्री मोदीले नेकपा माओवादी केन्द्रका अध्यक्ष प्रचण्ड, फोरम नेपालका अध्यक्ष उपेन्द्र यादव र राजपाका नेताहरुसँग भेटवार्ता गरेका थिए। त्यस्तै उनी काठमाडौँ महानगरपलिकाले आयोजना गरेको नागरिक अभिनन्दन कार्यक्रममा समेत सहभागी भएका थिए।