विप्लवका विद्यार्थी अध्यक्ष सहित तीन नेता पक्राउ
प्रकाशित मिति : जेष्ठ २८, २०७५ सोमबार
नेत्रविक्रम चन्द नेतृत्वको नेपाल कम्युनिस्ट पार्टी निकट अखिल (क्रान्तिकारी)का अध्यक्ष चिरञ्जीवी ढकालसहित ३ जनालार्इ प्रहरीले गिरफ्तार गरेको छ।
गिरफ्तारीमा पर्नेहरूमा अभ्यक्ष ढकालसहित कोषाध्यक्ष नरेन्द्र विक र प्रकाश तिरूवा रहेका छन्।
तीन विद्यार्थी नेताहरु पक्राउ गरिएको महानगरीय प्रहरी वृत्त वौद्धले पुष्टि गरेको छ। तर उनीहरुलाई किन पक्राउ गरिएको भन्ने विवरण दिइएको छैन।
विद्यार्थी नेताहरूलाई काठमाडौंको बौद्धबाट प्रहरीले बाटोमा हिडिरहेको अवस्थामा पक्राउ गरिएको हो। नेताहरुलाई अहिले बौद्धको हिरासतमा राखिएको छ।