पवन बने दाेहाेराे शतक बनाउने विश्वकै दोस्रो यु-१९ ब्याट्सम्यान
प्रकाशित मिति : श्रावण ९, २०७५ बुधबार
श्रीलंका विरुद्धको दोस्रो यु–१९ टेस्ट क्रिकेटमा भारतका पवन शाहले दोहोरो सतक प्रहार गरेका छन् ।
यु–१९ मा दोहोरो सतक प्रहार गर्ने पवन विश्वको दोस्रो तथा भारतको पहिलो व्याट्सम्यान समेत भए ।
हम्बनटोटामा जारी युवा टेस्ट क्रिकेटमा पवन शाहले आज २८२ रन बनाएका हुन् । पूणेमा जन्मिएका शाहले १२ बर्ष अघि भारतीय खेलाडीले बनाएको रेकर्ड पनि तोडेका छन् ।
उनले उत्तर प्रदेशका तन्मय श्रीवास्तवको नाममा रहेको २२० रनको रेकर्ड तोडेका हुन् । श्रीवास्तवले पाकिस्तान विरुद्ध स्न २००६ मा यो रेकर्ड बनाएका थिए ।
पहिलो दिन १७७ रनमा नट आउट रहेका शाहले दोस्रो दिन दोहोरो सतक बनाएका हुन् । तेहोरो सतक बनाउन १८ रन बाँकी रहेका बेला आउट भएका उनले २८२ रन जोडे । ३३२ बल खेलेका शाहले ३३ चौका र एक छक्का प्रहार गरे ।
यु– १९ टेस्टमा अष्ट्रेलियाका के क्लिंटन पीकेले सर्वाधिक रन बनाएका थिए । उनले १९९५ मा भारत विरुद्ध ३०४ रन नटआउट जोडेका थिए । जुन युथ टेस्टमा अहिले सम्मकै एकामात्र तेहेरो सतक हो ।
शाहको उत्कृष्ट व्याटिङसँगै भारतले ६१३ रन बनाएर पारी समाप्त भएको घोषणा गरेको थियो ।