अमेरिकी चुनाव : पुन मतगणना गर्न हिलारीलाई सल्लाह
प्रकाशित मिति : मंसिर १०, २०७३ शुक्रबार
निर्वाचनसम्बन्धी कानुनविद र तथ्याङ्क विज्ञहरुको एक समूहले अमेरिकामा यसै महिनामा भएको राष्ट्रपतिय चुनावमा साइबर ह्याकिङ्गको शङ्का व्यक्त गरेका छन् । यसकै कारण यो समूहले हिलारी क्लिन्टनलाई तीनवटा राज्यमा खसेको भोटको पुन:गणना गर्ने सल्लाह उनीहरुले दिएका छन् ।
साइबर ह्याकिङबाट भोटमा तलमाथि गरिएको दाबी गरिएका राज्यहरुमा विस्कन्सिन, मिसिगन र पेन्सिलभेनिया रहेका छन् । समाचार अनुसार साइबर ह्याकिङको मद्दतबाट जम्मा मतमा तलमाथि गर्न सकिन्छ ।
राष्ट्रपतिय चुनावमा डेमोक्रेट उम्मेदवार हिलारीलाई २२८ र रिपब्लिकनका डोनाल्ड ट्रम्पलाई २७९ इलेक्टोरल मत मिलेको थियो । बहुमतका लागि ५३८ मा २७० इलेक्टोरल कलेजको खाँचो हुन्छ ।
यसै हिसाबले ट्रम्पलाई बिजेता घोषित गरिएको थियो । समाचार एजेन्सीका अनुसार अहिलेसम्म चुनावी नतिजालाई ह्याक गरिएको कुनै पनि प्रमाण भेटिएको छैन । अर्कातिर विद्युतीय भोटिङ मेसिनलाई तोडफोड गरिएको रेकर्ड पनि भेटिएको छैन।
समाचार अनुसार विज्ञहरुले दिएको यस सल्लाहबारेमा अहिलेसम्म हिलारी क्लिन्टनको तर्फबाट कुनै प्रतिक्रिया आएको छैन । हिलारी तथा उनको अभियानको जिम्मा लिएकाहरुले यसबारेमा केही भनेका छैनन् । उनीहरुले मत पुन:गणनाका लागि निवेदन दिनेबारेमा हिलारीको टीमले कुनै योजना बनाएको छैन ।
राष्ट्रपतिमा चुनिएका डोनाल्ड ट्रम्पले विस्कोन्सिन र पेन्सिलभेनियामा थोरै मात्रै मतले जित निकालेका थिए । ट्रम्पले मिसिगनमा पनि थोरै मतल जितेका थिए । तर रोचक कुरा के छ भने यी तीनवटै राज्यहरुमा डेमोक्रेटिक पार्टीलाई धेरै विश्वास थियो । पछिल्लो चुनावमा पनि यहाँ डेमेक्रेटले नै जितेको थियो ।
जुन विज्ञहरुको समूहले हिलारीलाई यो सलाह दिएको थियो, उसलाई मतदाता अधिकारसम्बन्धी अधिवक्ता जोन बोनिफज र मिसिगन विश्वविद्यालयका कम्प्यूटर सुरक्षा तथा सामाजिक केन्द्रका निर्देशक जे एलेक्स हल्दरम्यानले नेतृत्व गर्छन् । उनीहरुले हिलारीसँग यसै हप्ता सम्पर्क गरेर यो सल्लाह दिएका थिए । यसबारेमा सबैभन्दा पहिलो रिपोर्ट न्यू योर्क म्याजिनले छापेको थियो ।
तर पनि हल्दरम्यानले बुधवार सञ्चारमाध्यमसँग कुरा गर्दै आफूसँग साइबर आक्रमण या मतदानमा भएको अनियमितताको कुनै सुबत नभएको बताएका छन् । हल्दरम्यानले पुन:मतगणनाको आदेश केबल धाँधली गरेको आशंकमा दिन सकिन्छ । कारोबारमा खबर छ ।
