३५ वर्षको फिल्मी करिअरमा सनी देओलले कहिल्यै पढेनन् स्क्रिप्ट, यस्तो थियो कारण
प्रकाशित मिति : मंसिर १०, २०७५ सोमबार
सनी देओल आफ्नो समयका सुपरस्टार हुन् । रोमान्टिक फिल्मबाट करिअर सुरु गरेका सनी पछि भने एक्सन हिरोको रुपमा चिनिए । उनको पहिचान बलिउडमा एक्सन स्टारको रुपमै छ त्यसैले दर्शकले यमला पगला दिवानामा उनको कमेडियन रुप रुचाएनन् । दिन पहिले उनको फिल्म भैयाजी सुपरस्टार रिलिज भएको छ । यो फिल्ममा सनीको भूमिकालाई दर्शकले कति रुचाउने हुन् भन्ने हेर्न बाँकी नै छ ।
एक समयमा एक्सन सुपरस्टार सनी देओलको ३५ वर्षको फिल्मी करिअरमा निकै अनौठो सिलसिला छ । यति लामो करिअरमा सनीले एउटा पनि फिल्मको स्क्रिप्ट पढेका छैनन् । सुन्दा अनौठो लाग्न सक्छ तर यो सत्य हो र यो कुरा सनी आफैंले भनेका हुन् । उनले एक अन्तरवार्तामा यो कुराको खुलासा गरेका हुन् । सनीका अनुसार उनले फिल्मको स्क्रिप्ट पढ्नुको सट्टा लेखकबाट आइडिया सुन्थे र त्यसैको आधारमा फिल्म गर्ने वा नगर्ने निर्णय लिन्थे । उनले भनेका थिए ‘म निकै सहज भाव भएको व्यक्ति हुँ । म आइडिया सुन्छु, त्यसको बारेमा सोच्छु र मन परे त्यसमा काम सुरु गर्छु ।’