‘प्रेमलीला’
प्रकाशित मिति : पुस ३०, २०७५ सोमबार
फिल्म ’प्रेमलीला’ को प्रदर्शन मिति सरेको छ । भिएफएक्स धेरै समय लाग्ने भएपछि माघ २५ गते बाट फागुन १० मा पुर्याइएको फिल्मकी नायिका तथा निर्मात्री दिपशिखा खड्काले बताएकी छन् ।
वितरक कम्पनी र निर्माण टिम बिच फागुन १० मा फिल्म प्रदर्शनमा गर्ने सहमती भइसकेको समेत नायिका खड्काले बताएकी छिन् । अन्तर्देशीय प्रेमकथा समेटिएको फिल्मको फर्स्ट लुक र दुई गीत सार्वजनिक भइसकेको छन् भने ट्रेलर छिट्टै सार्वजनिक गर्ने तयारीमा निर्माण टिम लागेको छ ।
पबन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको फिल्ममा महेश खड्का, नबिन कार्की र रबिराज शाहको संगीत, राजेश पायल राई, शोभा पाण्डे र भारतीय गायक राजा हसनको स्वर रहेको छ ।
फिल्ममा दीपशिखा खड्का, भारतीय मोडल अलि खान, मौसम खड्का, सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तव लगायतको अभिनय रहेको छ । नायिका खड्का कै कथा तथा लेखन रहेको फिल्मलाई नानीमैया कार्की र फैजिल फिल्म्सले संयुक्त रुपमा निर्माण गरेका हुन् ।