अमेरिकामा रहेका प्रेम विष्टको निधन
प्रकाशित मिति : माघ २, २०७५ बुधबार
अमेरिकाको बाल्टिमोरमा रहेका प्रेम विष्टको निधन भएको छ ।
प्युठान घर भइ हाल अमेरिकाको बाल्टिमोरमा बस्दै आएका विष्टको जनवरी १२ तारिख (२८ पुस) मा निधन भएको हो ।
३८ वर्षीय विष्ट बाल्टिमोरस्थित एक होटलमा मृत अवस्थामा भेटिएका थिए । विष्ट मृत भेटिएपछि प्रहरीले उनकी श्रीमतीलाई खबर गरेको थियो ।
विष्टको मृत्युले आफूहरु स्तब्ध भएको बाल्टिमोर एसोसियन अफ नेपलिज इन अमेरिका (बाना) का बर्तमान अध्यक्ष अनु श्रेष्ठ वन्तले बताएकी छन् ।
विष्टको अन्तिम संस्कार आज (१६ जनवरी) का दिन मिलर्सभिलस्थित मेरिल्याण्ड क्रिमेसन सर्विसेसमा गरिने बताइएको छ ।