अष्ट्रेलियाको सिड्नीबाट पाँचजना बन्दुकधारी प्रहरी नियन्त्रणमा
प्रकाशित मिति : माघ ३, २०७५ बिहीबार
अष्ट्रेलियाको सिड्नीबाट प्रहरीले तीनजना बन्दुकधारीहरुलाई नियन्त्रणमा लिएको छ ।
उत्तरी सिड्नीमा अवस्थित च्याट्सवुड्स वेष्टफिल्ड सपिङ सेन्टरबाट बुधवार साँझ प्रहरीले तीनजना बन्दुकधारी किशोरहरुलाई नाटकीय रुपमा पक्राउ गरेको हो । सपिङ सेन्टरमा बन्दुकसहित केही युवाहरु घुमिरहेको जानकारी पाएपछि साँझ ६ बजेतिर प्रहरीले तिनीहरुलाई नियन्त्रणमा लिएको प्रहरीका प्रवक्ताले बताए ।
ती बन्दुकधारीहरुले सर्वसाधारणलाई धम्क्याएकोबारे भने कुनै नखुलेको प्रहरीले बताएको छ ।
पक्राउ पर्नेमा पाँच जना किशोरहरु रहेका छन् । जसमा एक जना १८ वर्षका,एकजना १६ वर्षका र तीन जना १७ वर्षका रहेका छन् । उनीहरुको साथबाट राइफल पनि बरामद भएको प्रहरीले पुष्टि गरेको छ ।
पक्राउ परेको किशोरहरुमध्ये दुई जनालाई च्याटस्वुड प्रहरी स्टेशनमा राखिएको छ भने बाँकी तीन जनालाई उत्तरी सिड्नीमा लगिएको छ ।