काश्मिर हमलाका कारण साउदी युवराजको पाकिस्तान भ्रमण स्थगित
प्रकाशित मिति : फाल्गुन ५, २०७५ आईतबार
साउदी अरबका युवराज मोहम्मद बिन सलमालनको आज प्रस्तावित पाकिस्तान यात्रा एकदिन पछि सरेको छ । पहिले युवराज फेब्रुअरी १६ को दिन पाकिस्तान आउने कार्यक्रम थियो । तर अब उनी फेब्रुअरी १७ मा इस्लामावाद आउनेछन् ।
भारतीय मिडियाहरुले युवराज सलमानको पाकिस्तान भ्रमण एकदिन पछि सर्नुको सम्बन्ध भारत प्रशासित काश्मिरमा भएको घटनासँग भएको बताएका छन् । साउदी अरबले उक्त घटनालगतै आक्रमणको कडा शब्दमा भत्र्सना गरेको थियो । र हाल युवराजको भ्रमणमा अचानक भएको बदलावलाई भारतीय मिडियाहरुमा सोही घटनासँग जोडर हेरिएको छ ।
तथापि, पाकिस्तानका विदेश मन्त्रालयले युवराज सलमानको यात्रामा भएको कारण खुलासा गरिएको छैन । सन् २०१७ अप्रिलमा युवराज भएपछि सलमान बिन साउदको पहिलो पाकिस्तानको भ्रमण हो । यो यात्राको दौरान युवाराजसँग एक उच्चस्तरीय प्रतिनिधिमण्डल पनि आउनेछ ।
यसमा शाही परिवारका सदस्य, मन्त्री र व्यापारी पनि सामेल हुनेछन् । सो समूह १००० जनाको हुने बताइएको छ । युवराजको आगमनअघि पाकिस्तानको राजधानीमा सुरक्षा बढाइएको छ ।
पाकिस्तानको यात्रा सकेर युवराज सलमान फेब्रुअरी १९ बाट भारतको दुई दिने भ्रमणमा भारत आउने कार्यक्रम छ ।
युवराज भएपछि उनको भारतको लागि पनि यो पहिलो भ्रमण हुनेछ । युवराज सलमानलाई भारतीय प्रधानमन्त्री नरेन्द्र मोदीले भारत भ्रमणको निमन्त्रणा दिएका थिए ।