पोर्चुगलमा नेपाल महोत्सव (फोटो फिचर )
प्रकाशित मिति : फाल्गुन १३, २०७५ सोमबार
पोर्चुगलको अल्बुफेरामा नेपाल महोत्सव सम्पन्न भएको छ ।
गैर आवाशीय नेपाली सँघ, क्षेत्रिय समन्वय समिति, अल्गार्भ पोर्तुगलद्धारा पोर्तुगलको अल्बुफेरामा आयोजित नेपाल महोत्सवमा हजारौको सहभागिता रहेको थियो ।
महोत्सवको शुरुमा नेपाली पञ्चेबाजा तथा नेपाली विभिन्न भेषभुषा सहित हजारौंको संख्यामा झाँकी प्रर्दशन गरिएको थियो ।
अल्गार्भको अल्बुफेरा नगरपालिका बाट शूरु गरिएको झाँकी जुलुस अल्बुफेराको मुख्य पर्यटकीय शहरको परिक्रमा गर्दे कार्यक्रम स्थलमा गएर सभामा परिणत भएको थियो ।
कार्यक्रम स्थलमा नेपाली खाना, विभिन्न परिकारहरु तथा पोशाक, हेन्डीक्राफ्ट लगायतका करिव आधादर्जन स्टलहरु राखिएका थिए ।
महोत्सवमा पोर्चुगलका लागि नेपालका महावाणिज्यदुत मकर बहादुर हमाल, पोर्चुगल कामेरा नगरपालिका प्रेसिडेन्ट, पोर्चुगलका लागि पर्यटन दुत रमेश गुरुङ्ग,गैर आवाशीय नेपाली सँघ पोर्चुगलका अध्यक्ष कुवेर कार्की लगायतको उपस्थिती रहेको थियो ।
महोत्सवमा औपचारिक कार्यक्रम सकिए लगत्तै विविध साँस्कृतिक कार्यक्रम गरिएको थियो ।महोत्सवको अध्यक्षता आयोजक समितीका अध्यक्ष अनिल शर्माले गरेका थिए ।
