अष्ट्रेलियाको नयाँ स्किल्ड अकुपेसन लिस्ट सार्वजनिक, थपिए पेशाहरु
प्रकाशित मिति : फाल्गुन २९, २०७५ बुधबार
अष्ट्रेलियाको दक्ष पेशाको नयाँ सूचीमा पेशाहरु थपिएका छन् । अष्ट्रेलियाको पीआर पाउनको निम्ति दक्ष पेशाको सूचीमा नोमिनेट हुनुपर्छ । अष्ट्रेलिया अहिले त्यही स्किल्ड अकुपेसन लिस्ट अर्थात दक्ष पेशाको सूचीलाई बढाएको हो ।
सोमबार सार्वजनिक भएको नयाँ सूची स्किल्ड इन्डीपेनडेन्ट भिसा ( सबक्लास १८९ ) मा २ सय १२ पेशा रहेका छन् । स्किल्ड नोमिनेटेड भिसा ( सबक्लास १९० ) मा ४ सय २७ पेशाहरु रहेका छन् ।
त्यस्तै इम्प्लोयर नोमिनेसन स्किम भिसा ( सबक्लास १८६ ) मा २ सय १६ भिसा रहेका छन् भने टेम्पोररी स्किल सर्टेज भिसा ( सबक्लास ४८२ ) मा ५ सय ८ पेशा रहेका छन् ।
नयाँ पेशाको सूची मार्च ११, २०१९ देखि नै लागु हुने बताइएको छ । नयाँ सूचीमा कोरियोग्राफर, फुटबलर, मल्टिमिडिया स्पेसलिस्ट आदि पेशाहरु थपिएका छन् । पूरा सूची हेर्नको लागि यहाँ क्लिक गर्नुहोस् ।