२४ वर्षीय युवकले जिते १ बिलियन डलरको ज्याकपट
प्रकाशित मिति : बैशाख ११, २०७६ बुधबार
अमेरिकामा एक २४ वर्षीय युवकले पावरबल ज्याकपटमा ७६८ मिलियन अमेरिकी डलर ( १ बिलियन अष्ट्रेलियन डलर) जितेका छन् । उक्त ज्याकपटको लागि उनले १० अमेरिकी डलरको टिकट खरिद गरेका थिए ।
काम गरेर फर्किंदा त्यो दिन ‘राम्रो’ लागेकोले आफूले ज्याकपटको टिकट किनेको ती युवकले बताएका छन् ।
ज्याकपटको नतीजा आएको एक महिनासम्म पनि युवकले त्यो ज्याकपट आफूलाई परेको थाहा पाएका थिएनन् ।
थाहा पाउनासाथ टिकट लिएर उक्त ज्याकपट पुरस्कार लिन गएका उनले अहिले जागिर छोडेका छन् । अब त्यो रकमले के गर्ने भन्ने बारेमा केही समय लगेर सोंच्ने उनले बताएका छन् ।