राहदानी विभागमा नयाँ प्रविधिको प्रयोग, हट्यो लाइन बस्नुपर्ने बाध्यता
प्रकाशित मिति : माघ २४, २०७३ सोमबार
विनोद विश्वक/ दैनिक हजारौंको लाइन देखिने राहदानी विभागमा नयाँ प्रविधि प्रयोगपछि लाइन बस्नुपर्ने बाध्यता हटेको छ । लाइनमा बसेर राहदानी बनाउदा प्रहरीको लाठी समेत खानु परेको विगत सबैले सम्झिरहेकै छन, तर पछिल्लो समयमा भने विगतको भीडभाड र अस्तव्यस्ततामा पूर्णविराम लागेको छ ।
राहदानी विभागले कार्यालय खुल्ने समयमा परिवर्तन र नयाँ प्रविधि प्रयोगमा ल्याएपछि छिटो काम हुन थालेपछि राहदानी बनाउनेहरुले लाइन बस्नुपर्ने बाध्यताबाट मुक्ति पाएका छन् ।
विभागले गरेको कामबाट सर्वसाधारणले सेवा त पाएका छन् नै, विगतको जस्तै महिनौ कुरिहनुपर्ने बाध्यताबाट पनि मुक्ति पाएका छन् । महिनौ राजधानीको होटलमा बसेर राहदानी बनाउने कागजपत्रहरु नमिल्दा फेरी जिल्ला फर्किनुपर्ने बाध्यतालाई पनि प्रविधिको प्रयोगले कमि ल्याइदिएको राहदानी विभागका कार्यकारी निर्देशक शुशिल कुमार लम्सालले बताए ।
कार्यँलय समय लम्बिए संगै यहा आउने सेवाग्रहीहरुलाई राहत पुगेको छ । दैनिक हजारौंको संख्यामा राहदानी बनाउने युवाले विभागले उपलब्ध गराएका तीन किसिमका सेवाबाट सर्वसाधारणलाई सेवा प्रदान गरेको छ ।
गत वर्ष मात्रै ६ लाख ९९ सय हजारले राहदानीको आवेदन दिएका थिए । राहदानी बनाएका सबै विदेश नजाने र अहिले सेवाग्राहीको संख्या अस्थिर रहेको कार्यकारी निर्देशक लम्सालले बताए ।
आफ्नो आन्तरिक व्यवस्थापनलाई चुस्त÷दुरुस्त बनाएकाले सेवाग्राहीहरुलाई मर्का नपर्ने विभागको दाबी छ । राज्यका सबै निकायलाई जनउत्तरदायी बनाउन सके जहां पनि लाइनमा नबसी काम नबन्ने प्रवृतीको अन्त्य हुने राहदानी विभागको कार्यसम्पादनबाट देखिन थालेको छ । जनसम्पर्कमा रहने अन्य निकायले पनि यहि सकारात्मक सिको गर्न सक्छन कि ?