कलंकीमा टिपरले मोटरसाइकललाई ठक्कर दिँदा दुई जनाको मृत्यु
प्रकाशित मिति : माघ २३, २०७६ बिहीबार
राजधानीस्थित कलंकीको अन्डर पासमा टिपरले मोटरसाइकललाई ठक्कर दिँदा दुई जनाको मृत्यु भएको छ ।
बुधबार राति बल्खुबाट स्वयम्भुतिर जाँदै गरेको मोटरसाइकल र विपरित दिशाबाट आइरहेको टिपर राति साढे १२ बजेतिर अन्डरपासमा ठोक्किँदा दुई जनाको मृत्यु भएको ट्राफिक प्रहरी कार्यालय कलंकीका निरीक्षक पुरूषोत्तम कार्कीले जानकारी दिए ।
टिपरले ठक्कर दिँदा प्रदेश २ ०३००४ प ५५० नम्बरको मोटरसाइकलका चालक रौतहट कटहरिया गाउँपालिका ४ का १९ वर्षीय राजेशकुमार चौधरी र पछाडि बसेका कटहरिया ७ का २४ वर्षीय मुन्ना चौधरी घाइते भएका थिए।
उपचारको क्रममा राति पौने २ बजे त्रिवि शिक्षण अस्पताल महाराजगञ्जमा उनीहरूको मृत्यु भएको हो। माेटरसाइकललाई ठक्कर दिने टिपरको खोजी भइरहेको प्रहरीले जनाएको छ ।