कांग्रेसले आजपनि संसद बैठक अवरुद्ध गर्ने
प्रकाशित मिति : माघ २४, २०७६ शुक्रबार
नेपाली कांग्रेसले आज बस्ने संसद बैठक पनि अवरुद्ध गर्ने भएको छ। शुक्रबार बिहान बसेको संसदीय दलको बैठकले बिहीवार जस्तै आज १ बजे बस्ने संसद बैठक अवरुद्ध गर्ने निर्णय गरेको कांग्रेस सचेतक पुष्पा भूषालले जानकारी दिईन् ।
सचेतक भूषालका अनुसार कांग्रेस संसदीय दलका उपनेता एवं पार्टी उपसभापति विजयकुमार गच्छदारलाई अख्तियारजस्तो संवैधानि संस्थाले सरकारको प्रभावमा परेर प्रतिशोधपूर्ण व्यवहारमा भ्रष्टाचार मुद्दा दायर गर्नू प्रजातन्त्र र लोकतन्त्र विरोधी काम भएको निष्कर्ष बैठकले निकालेको छ ।