कांग्रेसद्वारा संसद अवरोध, आधा घण्टाका लागि स्थगित
प्रकाशित मिति : माघ २४, २०७६ शुक्रबार
प्रतिनिधिसभा बैठक आधा घण्टाका लागि स्थगित भएको छ । प्रमुख प्रतिपक्षी दल नेपाली कांग्रेसले ललिता निवास प्रकरणमा मुछिएका पार्टीका उपसभापति विजयकुमार गच्छादारविरुद्धमा मुद्धा चलाएको भन्दै अवरोध गरेपछि संसद आधा घण्टाका लागि स्थगित गरिएको हो ।
शुक्रबार संसदको विशेष समयमा सुरुमै बोलेका कांग्रेस सांसद मीन विश्वकर्माले अख्तियार दुरुपयोग अनुसन्धान आयोग सरकारको छायाँ बनेको आरोप लगाउँदै उपसभापति गच्छदारलाई राजनीतिक पूर्वाग्रहका आधारमा मुद्दा लगाइएको दाबी गरेका थिए । कांग्रेस सांसदहरुले उठेर विरोध जनाएपछि सभामुख अग्निप्रसाद सापकोटाले आधा घण्टाका लागि बैठक स्थगित गरिएको जनाएका हुन् ।
कांग्रेसले यही विषयलाई लिएर बिहीबार पनि संसदमा अवरोध गरेको थियो ।