नवलपरासीमा ट्याक्टर दुर्घटना : मृतकको संख्या ४ पुग्यो
प्रकाशित मिति : माघ २९, २०७६ बुधबार
पूर्वी नवलपरासीको बुलिङ्गटार गाउँपालिका ३ छरछरेमा मंगलबार साँझ लु ४ त २५५६ नम्बरको ट्याक्टर दुर्घटनामा परी मृत्यु हुनेको संख्या ४ पुगेको जिल्ला प्रहरी कार्यालय नवलपुरले जनाएको छ । मृत्यु हुनेहरुमा बुलिङ्गटार गाउँपालिका ३ निवासी २२ वर्षीय नरबहादुर सुस्लिङ, बुलिङ्गटार ३ निवासी ५९ वर्षीय यमान सिंङ सुस्लिङ, बुलिङ्गटार ३ निवासी ४० वर्षीय पूर्णबहादुर थापा, २५ वर्षीय लिलाबहादुर सारु रहेका छन् ।
ट्याक्टरमा १६ जना सवार रहेकोमा ४ जना शकुसल रहेका छन् भने बाँकी ८ जना घाइते भएका छन् । घाइते मध्ये ४ जनाको अवस्था गम्भीर रहेको प्रहरीले जनाएको छ । गम्भीर घाइते हुनेहरुमा ट्याक्टर चालक तथा ट्याक्टर धनी बुलिङ्गटार ३ निवासी बलबहादुर झेडी मगर, ४० वर्षीय छालबहादुर सारु मगर, २९ वर्षीय विमलराज सुस्लिङ मगर, ११ वर्षीय सन्दिप सारु मगर रहेका छन् । ट्याक्टर कच्ची सडकमा अनियन्त्रित भई सकडबाट एक सय मिटर तल खसेको प्रहरीले जनाएको छ ।