नेपालमा फेरि थपिए १३ कोरोना संक्रमित, संक्रमितको संख्या ४ सय २०
प्रकाशित मिति : जेष्ठ ७, २०७७ बुधबार
कपिलवस्तु र रुपन्देहीका गरी बुधबार थप १३ जनामा कोरोना संक्रमण (कोभिड–१९) संक्रमण पुष्टि भएको छ ।
भैरहवास्थित प्रदेश जनस्वास्थ्य प्रयोगशालामा गरिएको पीसीआर परीक्षणमा उनीहरुमा कोरोना पोजेटिभ देखिएको हो । संक्रमितमध्ये १२ कपिलवस्तु र १ रुपन्देहीका छन् । ती सबै भारतबाट आएर क्वारिन्टिनमा बसेकाहरु हुन् ।
यद्यपि यसबारे स्वास्थ्य मन्त्रालयको औपचारिक धारणा बाहिर आउन बाँकी छ । यो सँगै नेपालमा कोरोना संक्रमितको संख्या ४ सय २० पुगेको छ ।