थप २० जनामा कोरोना पुष्टि, नेपालमा संक्रमितको संख्या ५ सय ७
प्रकाशित मिति : जेष्ठ ९, २०७७ शुक्रबार
नेपालमा संक्रमण पुष्टि हुनेको संख्या ५ सय ७ पुगेको छ । आज विहान ३० जना र दिउँसो पुनः २० जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । योसंगै नेपालमा शुक्रबार दिउँसोसम्ममा संक्रमितको संख्या ५ सय ७ पुगेको छ ।
मन्त्रालयमा आज आयोजित नियमित पत्रकार सम्मेलनमा प्रवक्ता डाक्टर विकास देवकोटाले थपिएका संक्रमितहरुमा १४ जना बाँकेका , ३ जना कैलालीका, १ जना डडेल्धुराका, १ जना बैतडीका र १ जना मोरङका छ्न । उनीहरु सबै पुरुष भएको बताइएको छ ।
कैलालीका संक्रमित पुरुषहरुको उमेर १९, २३ र २६ छ भने डडेल्धुराका २८ बर्षीया पुरुष छन् । त्यसतै बैतडीका २२ बर्षीय युवकमा पनि संक्रमण देखिएको छ भने मोरङ रतुवामाईका एक पुरुषमा पनि संक्रमण फेला परेको छ ।
कोरोना भाइरसको हटस्पट बनिरहेको बाँकेमा आज पनि १४ जना नयाँ संक्रमित थपिएका छन् ।उनीहरुको उमेर १८ देखि ६१ बर्षसम्मको छ । स्वास्थ्य तथा जनसंख्या मन्त्रालयका अनुसार आजसम्म उपचारपछि ७० जना डिस्चार्ज भएका छन् भने तीन जनाको मृत्यु भएको छ ।