सुन्दरीजल आइपुग्यो मेलम्चीको पानी
प्रकाशित मिति : फाल्गुन २२, २०७७ शनिबार
मेलम्ची खानेपानी आयोजनाको पानी सुन्दरीजलस्थित प्रशोधन केन्द्रमा खसेको छ।
गत फागुन १० गते परीक्षणका लागि सुरुङमा पानी हालिएकोमा शनिबार सुन्दरीजल आइपुगेको हो। प्रधानमन्त्री केपी शर्मा ओलीले स्वीच थिचेसँगै प्रशोधन केन्द्रमा पानी झरेको हो।
मेलम्चीको पानी सुन्दरीजल प्रशोधन केन्द्रमार्फत् काठमाडौं उपत्यकामा वितरण गरिनेछ। अहिले परीक्षणका लागि प्रतिसेकेन्ड २६० लिटर पानी मात्रै हालिएको छ। परीक्षण सफल भएपछि प्रतिदिन १७ करोड लिटर पानी सुन्दरीजलमा आइपुग्ने छ।