कांग्रेस नेता नवीन्द्रराज जोशीको निधन
प्रकाशित मिति : चैत्र १३, २०७७ शुक्रबार
नेपाली कांग्रेसका नेता एवं पूर्वमन्त्री नवीन्द्रराज जोशीको निधन भएको छ। उनको थापाथलीस्थित नर्भिक अस्पतालमा शुक्रबार साँझ निधन भएको हो। उपचारमा संलग्न चिकित्सकहरुका अनुसार उनकाे साँझ ८.२३ बजे निधन भएको हो।
गत फागुन १३ गते राति शरीरको देब्रेपट्टि समस्या देखिएलगत्तै उनलाई वीर अस्पताल लगिएको थियो। वीरबाट थप उपचारका लागि नर्भिक अस्पताल लगिएकोमा उनको उपचारका क्रममा निधन भएको हो।
नर्भिकमा जोशीको मस्तिष्कको शल्यक्रियासमेत भएको थियो। त्यसपछि उनलाई भेन्टिलेटरमा राखेर उपचार गरिएको थियो।