नेपालमा २४ घण्टामा थपिए ६०३ संक्रमित, उपत्यकामा मात्रै २५४ थपिए
प्रकाशित मिति : बैशाख १, २०७८ बुधबार
नेपालमा कोरोना संक्रमण तीव्र भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घन्टामा थप ६०३ जनामा कोरोना संक्रमण पुष्टि भएको छ। ४ हजार २ सय ८९ जनाको पिसिआर र ४ सय ५१ जनाको एन्टिजेन परीक्षण गर्दा थप ६०३ जना संक्रमण पुष्टि भएको हो।
बुधबार देशभर ४ हजार ५६ सक्रिय संक्रमित छन्। जसमध्ये संस्थागत आइसोलेसनमा ४४७ र होम आइसोलनमा ३ हजार ५९९ छन्।
काठमाडौं उपत्यकामा २५४ जनामा संक्रमण पुष्टि भएको मन्त्रालयले जनाएको छ। जसमध्ये भक्तपुरमा २०, ललितपुरमा ६१ र काठमाडौंमा १७३ संक्रमित थपिएका छन्।
त्यसैगरी, ७९ जना क्वारेन्टाइनमा छन्। गत २४ घन्टामा १२९ संक्रमित डिस्चार्ज भएका मन्त्रालयले जनाएको छ।
मन्त्रालयका अनुसार हालसम्म संक्रमित मध्ये ९७.५ प्रतिशत निको भएका छन्।
मन्त्रालयका अनुसार ८० जनाको आइसियु र २५ जना संक्रमितको भेन्टिलेटरमा उपचार भइरहेको छ।