तीव्र हुँदै कोरोना : संक्रमितको संख्या दैनिक ३ हजार नाघ्न थाल्यो, २८ जनाको मृत्यु
प्रकाशित मिति : बैशाख १२, २०७८ आईतबार
नेपालमा कोरोना संक्रमितको संख्या दैनिक ३ हजार नाघ्न थालेको छ। स्वास्थ्य मन्त्रालयका अनुसार २४ घण्टामा ३१२२ जनामा संक्रमण पुष्टि भएको छ।
९ हजार २ सय ९२ जनाको पिसिआर र ७८६ जनाको एन्टिजेन परीक्षण गरिएकोमा उक्त संख्यामा संक्रमण पुष्टि भएको हो। पिसिआर विधिबाट ३०३२ जनामा संक्रमण पुष्टि भएको छ भने एन्टिजेनबाट ९० जनामा संक्रमण देखिएको छ।
योसँगै देशभर सक्रिय संक्रमितहरुको संख्या १९ हजार ३ सय ८२ पुगेको छ । काठमाडौं उपत्यकाभित्र भक्तपुरमा ९६, ललितपुरमा २७० र काठमाडौंमा ११३२ गरी १४९८ जनामा संक्रमण पुष्टि भएको छ। यस्तै, २४ घण्टामा २८ जनाको मृत्यु भएको छ।
आइतबार देशभर ६९ जना क्वारेन्टिनमा रहेका छन्।
४५० जना कोरोनामुक्त भएका छन्। हालसम्म कोरोना संक्रमणबाट मुक्त हुने दर ९२.५ प्रतिशत रहेको छ।
त्यस्तै एक हप्तादेखि संस्थागत आईसोलेसनमा १५९४, होम आईसोलेसनमा १७,७८८ जना रहेका छन्।